Pentest (penetratsion sinov)

Pentest axborot tizimlarining xavfsizligini ta’minlashda muhim rol o‘ynaydi va kiber tahdidlardan himoya qilishga yordam beradi. Bu jarayon axborot tizimini faol tahlil qilishdan iborat bo‘lib, tajovuzkorlar tomonidan noqonuniy kirish yoki hujum uchun ishlatilishi mumkin bo‘lgan zaifliklarni aniqlashga qaratilgan.

1. Buyurtmachi infratuzilmasi haqida ma’lumot to‘plash – ochiq/yopiq manbalar orqali skanerlashni amalga oshirish
2. Tajovuzkor uchun potentsial kirish nuqtalarini (zaifliklarni) aniqlash maqsadida tahdidlarni modellashtirish
3. Aniqlangan zaifliklarni tahlil qilish va ularni ekspluatatsiya qilish – kirib borish ssenariylarini amalda sinash
4. Zaifliklarni ekspluatatsiyadan keyin baholash – hujumning rivojlanish yo‘nalishlarini modellashtirish
5. Himoya tizimini optimallashtirish bo‘yicha tavsiyalarni o‘z ichiga olgan hisobot ishlab chiqish, bosqichma-bosqich harakatlar va kutilayotgan natijalar bilan

1. Xavfsizlikni oshirish. Pentest axborot tizimlari va tarmoqlardagi zaifliklarni aniqlashga yordam beradi, bu esa ularni bartaraf etish choralarini ko‘rishga hamda xavfsizlik darajasini oshirishga imkon beradi.
2. Xatarlarni baholash. Pentest orqali mavjud tizimlar va ilovalarga bog‘liq potentsial xatarlarni baholash, eng katta tahdidni keltirib chiqaradigan zaifliklarni aniqlash va ularni birinchi navbatda bartaraf etish mumkin.
3. Me’yoriy hujjatlar talablariga rioya qilish. Ko‘plab soha standartlari va reglamentlar kiberxavfsizlikni ta’minlash choralaridan biri sifatida muntazam ravishda penetratsion test o‘tkazishni talab qiladi.
4. Mijozlar va hamkorlar ishonchini oshirish. Pentest orqali tizim xavfsizligi tasdiqlanadi, bu esa mijozlar va hamkorlar ishonchini mustahkamlashga hamda kompaniya imidji va biznesining rivojlanishiga xizmat qiladi.

• Tashqi test. Tizimlarning tashqi tomondan xavfsizligini baholash – masofadan kirish imkoniyatlari va ularga kirish chuqurligini aniqlash.
• Ichki test. Ichki foydalanuvchi, masalan, kompaniya xodimi rolida o‘tkaziladi – ichki pentest kompaniyaga ichkaridan zarar yetkazish imkoniyatlarini baholaydi.
• Oq quti. Xakerlar mahsulot haqida qisman ma’lumotga ega bo‘lib amalga oshiradigan hujumlarni taqlid qilish imkonini beradi. Metodika pentester tizim haqida kompaniya tomonidan taqdim etilgan bilimlarga ega bo‘lishini nazarda tutadi. Testlovchiga tizimga to‘liq kirish va ma’lumotlar, jumladan, dasturiy ta’minotning manba kodlari, arxitekturasi hamda konfiguratsiyalari taqdim etiladi.
• Qora quti. Pentester oldindan hech qanday ma’lumotga ega emas, u tizim bilan birinchi marta duch kelgan tajovuzkor kabi harakat qiladi va faqat ochiq manbalardagi ma’lumotlardan foydalanadi. Ushbu metodikani ko‘pgina haqiqiy xakerlar qo‘llaydi.
• Ikki tomonlama ko‘r test. Yoki yashirin test. Bu qat’iy maxfiylikda o‘tkaziladigan pentest bo‘lib, faqat kompaniyaning bir nechta ishonchli odamlari bu haqida bilishadi. Bu usul oldingi metodlar orqali aniqlash qiyin bo‘lgan zaifliklarni aniqlashga yordam beradi, masalan, hujumchining kompaniya xavfsizlik xizmatini chetlab o‘tish qanchalik osonligini tushunish.

Axborot tizimlaringiz xavfsizligini baholash va uni yaxshilash bo‘yicha chora-tadbirlarni belgilashga yordam beruvchi batafsil hisobot.